Hadien wa sdang i yakhih wa khlem booh por ka Jaiñtia Hills Truck Owners Association (JHTOA) kawa da sdang nadooh ka 6 tarik uni u bnai, neiliang ki paidbah da sdang ki wow chem chitom heiyatoh wa i thied ya i khyndaw-bilat nei tieñsar boi daw dooh ya ini i mar ha ki sngi wa ki tayaaw wow wan.
Ini i yakhih ka JHTOA toh wow dawa na ki karkhana pynmih khyndaw-bilat wow su ya i dor bai kit mar katkam wa da booh ka sorkar iwa T. 7 chi Metric Ton chi Kilometer wei wow wanrah biang ya ki kudam yong ki karkhana chapoh jylla Meghalaya na Assam kamwa jooh man ha ki por nachwa.
Ynne ka sngi kawa man ka sngi kawa soo wa da sdang ya i yakhih, neiliang ki paidbah da tieñsar ki lada ymye wow yoh khyndaw-bilat ha ki sngi wow wan khamtam kam ha ini i por wa da sdang biang ki u kreh yung.
Heiyatoh wa ini, neiliang u Wyrta da yaklam u wa u Deputy Commissioner (In-charge) ka East Jaiñtia Hills, u SS Syiemlieh heiwa da pyntip u wa neiliang yong oo da khut u ya ka yalang hapyrdi ki ar liang kitæ ka JHTOA wa ki karkhana pynmih khyndaw-bilat wow klam pynbait ya ini i kaam mynstep ka 10 tarik.
