Ki 7 Wicket na u Purav Agarwal wa ka spah Run na u Captain Kevin Christopher da jop ka Meghalaya ya ka Mizoram da chi Innings wa 149 Run hapoh ar sngi ha ka U-19 Cooch Behar Trophy ha Bhubaneshwar ynne ka sngi.
Deiwa pteiñ ya ka Innings wa nyngkong wa 124/3, ka Meghalaya da pynkut (Declare) ko da 338/9, iwa da pyntam da 255 Run. Ka Mizoram hawa kdong ya ka thong ha ka Innings wa ar da ye ko wow kamai 106, deilang waka 83 Run kawa da kamai ki ha ka Innings wa nyngkong.
U Christopher deiwa pteiñ na ka 37 Run wa da yoh ynnin, ynne da yoh u sa 95 Run yow yoh 132 Run, ka spah Run wa le yong oo ha kani ka Tournament. U Christopher da dat u leh 18 tylli 4 Run wa 2 tylli ki 6 Run.
Kiwi kiwa da lehbha da ka Bat toh u Pawan Singh (53), u Josiah Momin (41), u Agarwal (16) wa u Manish Sharma (15).
Neiliang u Agarwal da ka bol da yoh u 7/56, wei waroh 10/77. Kiwi de kiwa yoh Wicket toh u Sharma (3/25), wei waroh da yoh u 8/43 na ki ar Innings.
Ka Meghalaya kattu daw yachem ko waka Nagaland ha kani ka 20 tarik.
