Hajrong ka thong wow lehkmen ya kani ka samoi Christmas wa i pynsñiawthooh ya i myntoi ka tika yada COVID-19, ka skurbah Martin Luther Christian University (MLCU) ynne da pynman ko ya ka yalang ha Umkdait Nongmynsong heiwa da wan chimbynta da ki khynnah na ki chnat puræ waphær waphær kani ka skurbah.
Ya kani ka lehkmen da pynman hei krehlang wa ka yung krehkaam District Medical and Health Officer, East Khasi Hills heiwa da yoh ya ki rwai Christmas Carol na ki khynnah ka Department of Music, MLCU wa kiwi kiwi.
Neiliang ka School of Social Work da pynman ko ya ka Street Play wow pynsñiawthooh hajrong i emkaam ya i tika yada COVID-19 katwa ki khynnah ka Department of Allied Health Sciences da pynyoorong ki yei khroo i dawai tika.
Neiliang ka Vice Chancellor kani ka skurbah, ka Prof. T K Kharbamon da pynchlur u ya kiwa chong chnong wa kiwa chongdai ha ka thaaiñ wow ap u sñiaw ki yei myntoi wa mih na kani ka sngi heiwa da ban ko wa kani ka sngi toh i kaam wa khian yong ka skurbah neibynta kani ka samoi.
