Heiyatoh wa i kyrriah ya ka yung krehkaam ka C&RD Block na Khliehriat cha Wapung ya iwa da leh ynnin ka sngi wei da mih leh i pyrchah na ki paidbah ka thaaiñ khappood khamtam na Lumchnong, ynne ka sngi u Montri Rangbah ka jylla, u Conrad Sangma da ong u wa heipor wa kyrriah ya kani ka Block na Khliehriat da rah ya ka cha Wapung wei ka sorkar warim da kyrriah biang ko ya ka cha iwi tawon i thaw (Lumchnong).
Da ong u wa ini i leh ka sorkar warim toh khlem bood ya ki kyndon krehkaam chwa wow leh ya iwon iwon i kaam.
Kamtæ da pyndep pura ya ini i kaam ynnin ka sngi ha Wapung wei da ong u wa katkam wa man katni ka sorkar dang bichaar bniah ko heiwon u booh ya ki Block thymme wei hadien itæ daw chim ya i rai hajrong ini i kaam katkam i emkaam ki paidbah.
Heiyatoh wa i maham ka Narpuh Border Area Joint Action Committee (NBAJAC) wow Boycott ya ka Election lada ymyoh ya ka C&RD Block, neiliang u Conrad da kyntait u wow klam hajrong ini deiwa pynrap hi-eh wa ha ki thaw wa emkaam ya ki Block wa i biang ka poisa poilaiñ ka sorkar heitæ daw ye u chim ya ka rai wa khaddooh.
