I e tika yada COVID-19 ha Meghalaya ynne ka sngi da tam i 21 lak sien iwa mut wa kiwa da yoh tika chisien da em ki 60.6% katwa kiwa da yoh la arsien da em ki 43.2% heiwa ynne ka sngi da e 4243 sien wa kynthup ya ki HCW 6 ngut, ki FLW 35 ngut, kiwa 18 snem chaneiñ 3430 ngut wa kiwa 45 snem chaneiñ 772 ngut.
I poi cha ka 21 lak naka 20 lak da chimpor 14 sngi iwa mut wa da em kamwa 7000 ngut chi sngi wa wan chim tika. Na 19 lak cha ka 20 lak da chimpor i 17 sngi, na 19 lak cha ka 18 lak da chimpor 11 sngi, naka 17 lak cha 18 lak da chimpor 13 sngi, na 16 lak cha ka 17 lak da chimpor 16 sngi, naka 15 lak cha 16 lak da chimpor 15 sngi katwa na 14 lak cha ka 15 lak da chimpor 12 sngi.
Kiwa boon dooh kiwa da dep yoh tika chisien toh ha East Khasi Hills 3,33,859 ngut, ha West Garo Hills 2,29,182 ngut wa ha Ri-Bhoi 1,13,895 ngut kiwa man leh ki le District kiwa em palat 1 lak ngut kiwa da yoh tika chisien heiwa ka East Khasi wa West Garo Hills man ki ki ar District wa da em palat 1 lak ngut kiwa da dep yoh tika la arsien.
Deiwa kheiñ da ka Percentage, kawa heh dooh kiwa da dep yoh tika chisien toh ha South West Garo Hills 91.7%, East Jaiñtia Hills 80.3% wei hei wa le da em ka West Garo Hills 67.1%. Da em leh du ar District kiwa em palat 50% kiwa da dep yoh tika la arsien kitæ ka South West Garo Hils 61.8% waka East Jaiñtia Hills 57.9%
Ka District wa duna dooh toh ka West Khasi Hills 44.1% kiwa yoh tika chisien wa 29.2% kiwa da yoh tika la arsien wei da man ko leh du ka ka District wa em hapoh 50% kiwa da yoh tika chisien.
Waroh kiwa da yoh tika chisien hapoh ka jylla da em ki 12,27,894 katwa kiwa da yoh la arsien da em ki 8,75,808 ngut iwa mut deilang dapoi 21,03,702 sien wa da dep e yei tika.
I rukom e tika ha ki District man ki kamni ha wah:
