Ym em mih ka MLA warim ka UDP, kiwa psiah NPP toh ki wym embynta de: Jambor

U General Secretary ka United Democratic Party (UDP) Mawthadraishan Circle uwa man leh u MDC, u Jambor War da ong wa ki 5 ngut ki dkhot wa lai psiah cha ka NPP toh ki wym embynta de wa ka Party da rap slem.

Da pyntip u wa napyrdi kitai kiwa mih, uwi toh u wym embynta de wa ka Party nadooh u snem 2016, ki ar ngut ki wym embynta de nadooh u snem 2018, katwa ar ngut kiwi won toh kiwa dadep wow pyntip cha ka Party wa ym ye de ki wow embynta neidaw i samen yong ki.

Ha ka 20 tarik uni u bnai ki dkhot ka UDP na Mawthadraishan deilang wa kiwi de ki wakreh yong kiwi ki Party da lai pynyabi ki cha ka NPP, wei kiwi ki dkhot ka UDP da kam ki leh wa ka MLA warim, ka Irin Lyngdoh leh da mynjur ko wow mih noh na ka UDP wow lai won cha ka NPP.

Hawa kylli, u Jambor da pyntip u wa neiliang u President ka Party uwa man leh u MLA ka Mawthadraishan, u H Brolding Nongsiej da yachem u da oo hi ya ka Irin wow pyntikna yei mih khubor, tangwa neiliang ka MLA warim da klam che ko wa ym em i thmu wow mih naka Party.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Uwa yahkhmat ka UDP da ong u leh wa ka Party ka ym em leh mylliñ ko ya kiwa yahkhmat kamwa da kam da ki dkhot kiwa da mih noh, deiwa ong leh wa hanla ki toh ki dkhot ha ki Unit næ ha ka Circle, ka Party ka jooh pyntip bait ko ya ki hawa chim ya iwon iwon i rai da ka Executive Committee.

Hawa kylli chooh chooh, u Jambor da ong u wa ini i mih yong ki kattu katni ngut ki dkhot ka Party ym em i ktah iyi iyi leh ya ka UDP, heiwa da pyntip u leh wa nadooh wa da chna ya ka Party ha Mawthadraishan Constituency ha u snem 2013 da sakhi yei mih wei psiah kiwa yahkhmat, neibhah da em bait i pynthymme ya ka Party man ka 5 snem.

Da ong u wow pynthymme ya ka Party da sakhi man-i-por yei mih kiwa yahkhmat katkam i mon wa laitlooid, wei ka Party ha kani ka kynti leh daw pynthymme biang ya kiwa yahkhmat ha ka Party ha u Duyatra (Jan) heiwa da yooluti wa i wan psiah yong kiwa boon ngut kiwa yahkhmat kiwa kwah wow kreh wa ka Party hadien wa da yoo ki ya ki kaam yong u MLA.

Puræ leh: Psiah NPP kiwa yahkhmat ka UDP ha Mawthadraishan deilang waka MLA warim