Ka sorkar India da e bor ko ya ka Bharat Biotech kawa chna ya i tika yada COVID-19 wa tip kam i Covaxin wow pynemkaam yei tika yong ka neibynta ki khynnah wa em hapoh 18 snem wow sdang u leh nadooh ka 03-01-21.
Ka sorkar da chim ko ya kani ka rai hadien wa ka Subject Expert Committee (SEC) ha ka 11-10-21 da dep chong bichaar ko ya ini i kaam kiwa da mynjur yeini wei da pdiang leh da ka Directorate General of Health Services Central Drugs Standard Control Organization (Biological Division).
Kamtæ ka Directorate ym em khang ko wow pynemkaam yei tika neibynta ki khynnah wa em 12-18 snem i rta heiwa hadien wa chim yei tika wa nyngkong daw hap yang 28 sngi chwa wow chim yei wa ar.
Ya ini i chim rai ka sorkar toh deiwa pyrkhat leh yei pynman ya ki Board Exam yow lait ki wow thut kiwa ym slem de da pynman.
Heiyatoh wa ini u PM, Narendra Modi ynnin da pynbna u wow sdang chwa wow e tika ya kiwa 15-18 snem chwa i rta deiwa pyrkhat ya ka puræ puthi.
