Ka Scheme wa da pynkreh da ka Ministry of Power, ka sorkar India kawa tip kam ka Revamped Distribution Sector Scheme (RDSS) toh kawa em thong wow pynbha pynmiat yei krehkaam ki chnat saam bordiñ deiwa yoh nong deiwa e yarap poisa wow pynthymme yeiwa emkaam kamjooh yow pynkhlan ya ki tiar saam bordiñ yow ye u e bordiñ khlem thut cha ki paidbah.
Ka jylla Meghalaya waka Assam da man ki kiwa em hakhmat dooh wow pynkhreh wow pynthymme yei rukom krehkaam wei rukom kheiñ ya ka kaam poisa poilaiñ wa kiwi de kiwa emkaam hapoh ka Revamped Distribution Sector Scheme (Nodal Agency – REC). Kamtæ ki jar jiar ki Distribution Reforms Committee (DRC) ki jylla kamjooh ka State Cabinet da mynjur ki wow phah yei tyrwa wa kynthup ya ka Action Plan wa DPR yow yoh yarap hapoh kani ka Scheme.
Kam wow pynkynmoo wa ka sorkar jylla da paan ko T. 2500 klur hapoh kani ka Scheme.
Ki ar jylla da da pynkhreh ki wow pynkrehkaam ya ki Smart Prepaid Meter neibynta kiwa boon kiwa pynemkaam bordiñ, 100% Feeder Level Energy Accounting yow kheiñsap neibynta u snem mang tyngka 2023, u chna pynthymme ya ki Conductor wa da rim, u pynkylla cha ka LT ABC, u yabhah noh ya ki Feeder, u booh jar jiar ki Agriculture Feeders, u pynthymme yei rukom saam bai bordiñ wa kiwi ki IT/OT Systems wa kiwi kiwi de.
Hapoh ini waroh, ki sorkar jylla da kular ki leh wow kyrchaan poisa cha ka chnat saam bordiñ (Discoms), deiwa su ya ka poisa wa dang sah, u pynkrehkaam thymme yei dor bai bordiñ wa kiwi de. Ya ini iwa da tyrwa kattu daw phah cha ka Monitoring Committee wa da thung da ka Ministry of Power yow yoh yei mynjur.
Ha kani ka kynti, ki ar tylli ki jylla ka thaaiñ mihsngi ka Assam waka Meghalaya da pynyoo ki yei smat ki wow pynkylla noh yei krehkaam ka chnat bordiñ deiwa pynkhreh smat yeiwa thmu ki wow leh. Wei 39 na ki 55 tylli ki chnat wa toh u yoh myntoi namo ki Discoms (Nodal Agencies REC & PFC) da dep ki wow e ya iwa thmu ki wow leh namo ka Draft Proposals wei dang yaleh ki wow yaklam wa ki Nodal Agency yow pyndep yeini katwa kiwi ki Discoms da yooluti wow phah ki ya iwa tyrwa namo ka Proposal yong ki ym slem de.
Kam wow kdaw heini wa ka Revamped Distribution Sector Scheme da booh ko T. 3,03,758 klur kawa naka sorkar pyrdi heiwa na kani daw pynlait T. 97,631 klur hadooh u snem mang tyngka 2025-26.
I yarap wa daw e toh nyngkong hadien wa pynhun yei waroh wa emkaam wei lada ye wow poi thong hawa pynkrehkaam daw pynlait ya ka poisa katkam wa emkaam.
Deiwa pait yei man ki chnat bordiñ wa i saam bordiñ ha ki jylla ka ri khamtam yei dooh nong, da emkaam ki yei yarap khamtam wa da ban ka khlam la ar snem, da hap leh wow pynim biang ya ka khayi pateiñ, wei da pynman leh boon ki yalang wa ki Discoms yow pait yei pynkhreh ki yow yoh myntoi hapoh kani ka Scheme ka Ministry of Power wa ki khnat yong ka wa pynlai da u Minister of Power, u R. K. Singh.
