Ka Moolamylliang kawa man leh ka chnong wa da pynphooh pynphieñ ya ka chnong ka thaw deiwa pynriam khrik-khrak kawa da e pyrtuid Christmas Lights Extravaganza kawa daw pteiñ hadooh ka 2 tarik u snem thymme da pyntip wa ki paidbah ye ki wow wan hadooh 1:00 waje i step leh ym em khang ya ki.
Ya ini da pynbna hadien wa em ki bru wa da liwan chiteiñ luti hadien wa sahkut kari ha ki thaaiñ Ladrymbai wa em kiwa mut jan ym wai de kani ka thaw hadien 10:00 waje i miet.
Neiliang u Waheh Chnong, u Apmon Pachiang da ong u wa katwa dang miet dang miat i tyrchaaiñ ki khrik-khrak neidaw wa khlanbor i bordiñ kamtæ ki bru ye ki wow wan rap miet leh ym em khang wei da biang leh ki thaw pynyieñ kari, ki thaw dai baam kamjooh ki paikhana.
Chooh chooh da ong wa lada em kiwa wiar luti, kiwa sahkut kiwa kwah wow pyntip wei wow paan yarap na ka chnong ye ki wow Phone ha kini ki number 9862889655/8131061998 yow yoh yarap ya ki kamjooh yow yang ya ki.
I wan tooid ki paidbah na kylleiñ dang pteiñ i hadooh katni nadooh ki waheh wa ki khynnah wei lada emkaam yarap manda poi ha kani ka thaw, ye wow pyntip pyn ha ka Reception kawa em ha i thaw psiah kamjooh ki Volunteer lane deiwa Phone ha ki Number wa da booh haneiñ.
