U Montri Rangbah ka jylla, u Conrad K. Sangma ynne ka sngi da wai u ya ka Mao Students Union (MSU) Makhel Heritage Conclave wow lehwarom ya i dap 88 snem ka seiñ hapoh ka phang “Rekindling our Heritage” ha Makhel, Manipur hei emlang u Symbood Montri Rangbah ka Manipur, u Joykumar Singh Yumnam.
Neiling u Conrad da yaroh u ya ki khynnah ka seiñ na ka jaitbru Mao wa da dap ko 88 snem.
Heijooh i por da ban joor u heiyatoh wei wow em i kreh wa salonsar hei kaam saiñ hima wa i yada ya i rukom im ki jaitbru.
Da ong u wa i bor ka ri chong i hei wow pynwandur ya i rukom im ki khynroo deiwa wanrah ya ki ha ka luti kawa miat neibynta wow pynmiat pynbha ya ka ri.
Da ong u leh wa ka wyrta cha ki khynroo ka ri toh kawa u (L) P A Sangma ngait skem u ya wow em i mynsien yaleh hapyrdi ki khynroo ka thaaiñ mihsngi wow wan ki chaphrang wow mih na i pyrkhat ya ka bhah neibynta ki jaitbru Ri-loom namo ka “Reservation”.
Da pynrap u leh deiwa ong wa ymtoh u pyndooh ya ka Reservation tangwa emkaam wow pynkylla ya i pyrkhat heiwa emkaam wow yakhun wa kiwi ki jaitbru leh kamjooh.
