Ka seiñ AJYWO East Jaiñtia Zone hapoh i yakhmat yong u Heatermoon Ryngkhlem kam u President yong ka, ynnin ka sngi, heipor step, chirup wa kiwi tawon kiwa yakhmat yong ki seiñbhalang waphær waphær kiwa em ha East Jaiñtia Hills, kamwa jooh leh man-u-snem, kam i dak yong i kynmoo warom wei kynmoo maya ya ka lyngkhooh sngi yap ka yong u Kiang Nangbah, u khlawait u nongyaleh laitlooid wa khroo tam yong ka Ri Jaiñtia.
Ha uni u snem kawa man ka lyngkhooh sngi yap kawa 159 snem yong utai u khon dap chynrang yong ka Ri Pnar, da lai booh syntu ha u motdur sahkynmmoo maya yong u Kiang Nangbah, uwa da pynyieiñ ha pchem yong ka yung krehkaam yong u Deputy Commissioner, East Jaiñtia Hills District.
Chwa wow ya booh ya ki syntu ha utai u motdur yong u Kiang Nangbah, da yoh yei khlam wa tbian heiyatoh wa katai ka sngi na kiwa yahkhmat waphær waphær yong ki seiñbhalang kiwa em ha East Jaiñtia Hills, hadien ini i klam da ya pynbood sa i ya booh syntu yonglang ha tre kjat yong utai u mootdur yong u khloor wa khroo yong ka Ri Jaiñtia.
