Ka Dorbar Chnong Iongshiwiat, West Jaiñtia Hills ynne ka sngi 31 tarik da e khublei sñiawngooh ko ya u MLA ka 1-Nartiang Constituency wa man leh u Montri sorkar ha Meghalaya, u Sniawbhalang Dhar, wa e sñiawbha u ya ki khon yong ka chnong da ki kymmor kup thiah khamtam kam ha ini i por wa dait thah yong tlang.
Neiliang yong ka Dorbar Chnong e khublei wei kitbok kit rwiang ko ya u MLA wa waroh kiwa ha yung ha sem yong oo wow yoh ki dei chait dei nang wa u Blai u nang kyrkhu kyrdoh chooh chooh u ya oo wow ye u yarap chooh ya ka chnong kamjooh ha ka Constituency hi waroh kawi.
Chwa u saam ya ki kymmor da em da ka yalang wa tbian wa pynlai da u Asst. Waheh Chnong, u Ling Dhar, ya ki kyntien khublei da e da u Waheh Shnong, u Lenis Suja deilang wa ka EC chnong kiwa da e kyntien e khublei ya u snem 2021 kamjooh yow pdiang ya u snem thymme 2022 wow yoh dei chait dei nang kamjooh leh i kyntu wow sumaar bha wei wow syndong bha na u khñiang khlam wei wow chim leh ya i tika wa pura hapoh chnong.
