Kiwa dang chah ktah ha u COVID-19 ha India ynne da em ki 91,361 ngut hadien wa em ki du 77,516 ngut ha ka 24 tarik uni u bnai iwa duna dooh ki iwa mut da ku ki da 13,845 ngut ha ki 7 sngi wei da sdang biang wow boon da kiwa dang yoh ya kiwa chait.
Ynnin ka 30 tarik kiwa dang yoh COVID-19 da em biang ki palat 10,000 ngut hadien 33 sngi deiwa em 13,154 ngut katwa ynne da em ki 16,764 ngut kiwa dang yoh iwa man leh i sien wa nyngkong wa ku kiwa dang yoh palat 15,000 ngut hadien 63 sngi iwa da man kam ki dak ki chin wa da sdang ka la-ær wa le ka khlam hapoh ka ri.
Kiwa dang chait ynne da em ki 7,585 ngut iwa mut wa boon da kiwa yoh da 9,179 ngut.
Heiyatoh wa kiwa yoh Omicron, da em ki 1,270 ngut heiwa ynnin da em ki 961 ngut katwa waroh kiwa da chait da em ki 374 ngut. Kiwa boon dooh kiwa da yoh Omicron toh ha Maharashtra (450), Delhi (320) wa ha Kerala (109).
Ki jylla wa em kiwa yoh ya u Omicron da ku cha 23 tylli deiwa em sa kiwa yoh ha Andaman & Nicobar Islands.
Ynnin ka sngi da leh 12,50,837 tylli ki Test heiwa kiwa chah ktah da em ki 1.34% kawa tip leh kam ka Positivity Rate kawa da neh hapoh 2% la 88 sngi.
Heiyatoh wa i e tika hapoh ka ri, da dep wow e la 1,44,54,16,714 sien heiwa ynnin ka sngi da e 66,65,290 sien.
