Kiwa dang yoh COVID-19 ha India da pteiñ ki wow ku heiwa ha kini ki 24 kynta da em ki 37,379 ngut (ynnin 33,750 ngut), kiwa chait 11,007 ngut, kiwa yap 124 ngut iwa mut wa kiwa dang em ya uni u khñiang da ku ki da 26,248 ngut.
Ynnin da em du ar tylli ki jylla wa boon da kiwa chait ya kiwa dang yoh kitæ ka Sikkam wa boon da kiwa chait 7 ngut wa ha Meghalaya wa boon da kiwa chait 2 ngut.
Kiwa yoh ya u jait Omicron da em ki waroh 1,892 iwa kut iwa ku da 192 ngut nadooh ynnin katwa kiwa da chait waroh da em ki 766 ngut. Ki jylla wa boon dooh wa da yoh ya uni u jait toh ha Maharashtra (568) wa ha Delhi (382) kiwa da tam 300 ngut kiwa da yoh.
Waroh won kiwa dang chah ktah ha u COVID-19 da em ki 1,71,830 ngut iwa man 0.49%, kiwa chait 3,43,06,414 ngut iwa man 98.13%, kiwa yap 4,82,017 ngut iwa man 1.38%.
Ynnin ka sngi da leh 11,54,302 tylli ki Test heiwa kiwa chah ktah da em ki 3.24% kawa tip leh kam ka Positivity Rate.
Heiyatoh wa i e tika hapoh ka ri, da dep wow e la 1,46,70,18,464 sien heiwa ynnin ka sngi da e 99,27,797 sien.
