Kiwa yoh COVID-19 ha Meghalaya da pteiñ ki wow ku hadien ynnin wa em ki 50 ngut kiwa yoh heiwa ynne da em ki 90 ngut tangwa da neh hapoh 100 ngut la 90 sngi wa hapoh 200 ngut la 105 sngi heiwa ynne da boon biang da kiwa dang yoh ya kiwa chait la le sngi iwa da pynku leh ya kiwa dang chah ktah wow em ki palat 200 ngut iwa da pynpoi leh ya waroh kiwa da dep yoh ya uni u khñiang wow tam ki palat 85,000 ngut.
Kiwa dang yoh ynne ka 6 tarik da em ki 90 ngut, kiwa chait 23 ngut wei ym em wa yap la ar sngi.
Kiwa dang yoh toh ha East Khasi Hills (70), West Garo Hills (09), West Jaiñtia Hills (05), Ri-Bhoi (03) wa ha South West Khasi Hills (03).
Kiwa dang chait toh ha East Khasi Hills (22) wa ha West Garo Hills (01).
Ki District wa boon dooh kiwa dang chah ktah toh ha East Khasi Hills (176) wa ha West Garo Hills (20).
Ki District wa duna dooh kiwa dang chah ktah toh ha West Khasi Hills (00), South West Garo Hills (00), South Garo Hills (00), East Garo Hills (00), North Garo Hills (00), East Jaiñtia Hills (02), South West Khasi Hills (03), Ri-Bhoi (05) wa ha West Jaiñtia Hills (06).
Waroh kiwa da chait da em ki 98.00% kiwa em 83,324 ngut, kiwa dang chah ktah 0.24% kiwa em 212 ngut, kiwa yap 1.74% kiwa em 1485 ngut, deilang dapoi 85,021 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait wa kiwa dang chah ktah wa kiwi man ki kamni ha wah:
