Hadien waka Synjuk Waheh Chnong Jowai da pynbna ko wow khang yaka Iawthymme nadooh ynne ka 8 tarik kat wym pu pynkhooid yei jhep wa em ha kani ka yaw katwa nadooh ka 10 tarik won u khang ya ki le tylli ki yaw wa em ha Iawmusiang, Jowai wa kynthup ya ka yaw Seiñ Raij, yaw Chor waka yaw Chyiap kamtæ ynne da sakhi wa da sdang i pynkhooid ya ki yaw katwa ha Iawthymme kiwa boon ki dukan man ki kiwa khang.
Ha Iawthymme hadooh wa pynmih khubor ym pu em kit yei jhep tangwa ki kari kamai wa pynyieñ em ki boon tylli hi kamwa jooh iwa pynyoo wa kiwa lai yaw da hap lai ki cha kiwi tawan ki yaw.
Em won leh napyrdi ki bru wa jooh chongdai ha kani ka yaw da wan mih hiki tangwa yieñ uiñ hi-eh ki chawah chaneiñ deiwa yoo luti wow yoh chongdai hadien wa khooid i jhep.
Ha ka yaw Chor, ka yaw Seiñ Raij waka yaw Chyiap da wan wow kit yei jhep daka Jowai Municipal Board katwa ka Iawthymme toh kawa pait da ka JHADC.
