Ka Election Commission of India ynne ka sngi da pynbna ko wow pynman Election MLA ha ki 5 tylli ki jylla kitæ ka Goa, Manipur, Punjab, Uttarakhand wa Uttar Pradesh ha uni u snem.
Ha Goa ka sngi thap Vote toh ha ka 14-02-22 katwa ka sngi niaw Vote toh ha ka 10-03-22.
Ha Manipur ka sngi thap Vote toh ha ka 27-02-22 katwa ka sngi niaw Vote toh ha ka 10-03-22.
Ha Punjab ka sngi thap Vote toh ha ka 14-02-22 katwa ka sngi niaw Vote toh ha ka 10-03-22.
Ha Uttarakhand ka sngi thap Vote toh ha ka 14-02-22 katwa ka sngi niaw Vote toh ha ka 10-03-22.
Ha Uttar Pradesh ya ka sngi thap Vote da phiah ha ki soo bynta namo ki Phase heiwa ha ka Phase-I u thap ha ka 10-02-22, Phase-II ha ka 14-02-2022, Phase-III ha ka 20-02-2022, Phase IV ha ka 23-02-2022, Phase V ha ka 27-02-2022, Phase VI ha ka 03-03-2022 katwa ka Phase-VII toh ha ka 07-03-2022.
Ya ka sngi niaw Vote won daw pynman ha ka 12-03-22.
Ki Constituency wa em ha Goa toh 40 tylli, ha Manipur 60 tylli, Punjab 117 tylli, Uttarakhand 70 tylli katwa ha Uttar Pradesh da em 403 tylli.
I em kiwa thap Vote ha kini ki jylla man ki kamni ha wah:
Goa- 11,56,464 ngut
Manipur-20,34,966 ngut
Punjab- 2,12,75,066 ngut
Uttarakhand- 81,43,922 ngut
Uttar Pradesh- 15,02,84,005 ngut
Ka Election Commission of India da pyntip ko wa hadooh ka 7 tarik uni u bnai ha Goa da em palat 95.8% kiwa da yoh tika waroh arsien. Ha Uttarakhand da em 99.67% kiwa da yoh tika chisien wa 82.39% kiwa da yoh tika la arsien. Ha Uttar Pradesh da em 89.35% kiwa da yoh tika chisien wa 52% kiwa da yoh tika waroh arsien. Ha Punjab kiwa da yoh tika chisien da em ki 81.9% katwa kiwa da yoh la arsien da em ki 45.6%. Ha Manipur da em 59.6% kiwa da yoh tika chisien wa 44.8% kiwa da yoh tika waroh arsien.
