Ka Sohkha Shnong Village Durbar, wa haap hapoh ka Amlarem Sub-Division West Jaiñtia Hills District haka Annual General Meeting yong ka wada pynman ha ka 7 tarik uni u bnai ha Community Hall Sohkha Shnong da pynthymme ko ya kiwa kitkaam chnong neibynta u snem 2022-24 hei sakhi lang u Dolloi ka Elaka Nongtalang u C. Pohlynjar.
Ha kani ka sngi da pynskem leh ya ki dkhot wa ksoh kaam thymme da u Dolloi, heiwa u Venus Tongper da man u kam u Waheh Chnong, u Jambok Lanong kam u Assistant Waheh Chnong, u Phrangsngi Khonglah kam u Secretary, u Brickson Tongper kam u Assistant Secretary, u Korbin Gayang kam u Treasurer katwa u H.B. Lanong (Ex-Waheh chnong) wa u W. Khonglah (Lyngdoh Surong) kam ki Adviser.
Neitæ najrong ki 15 ngut ki dkhot ka Executive Committee wa kynthup 4 ngut ki khynthai, da jied leh 4 ngut ki Auditor wa kynthup ya u J. Tongper, u N. Tongper, u K. Khonglah wa u K. Lanong.
Chwa ini da pynsñiaw leh yaka bui (Report) i krehkaam yong ka chnong haki snem wa dadep.