Ka National People’s Party (NPP), West Jaintia Hills District Unit lyngba u General Secretary yong ka, u Donboklang Jana da phah ko ya ka khubor sñiawlem cha kiwa hayung u (L) Sunday Morning Pariat uwa jooh man kam u Office Secretary yong ka NPP West Jaiñtia Hills District Unit.
U Donboklang Jana da ong u wa i khlaad u Ma Sunday toh i dooh wa khroo ym du ya ka yung ka sem tangwa ya ka Party leh kamjooh neibhah hajrong wa man u kam u Office Secretary man u leh uwa ka-it bha u kreh ya ki kaam wa bha neibynta ka Party.
Chooh chooh chooh da ong u wa neiliang ka NPP West Jaiñtia Hills District Unit da phah ko ya ka khubor sñiawlem cha ka yung ka sem, khamtam ya ka kurim ki khon wa kiwa hayung waroh.
Ka NPP West Jaiñtia Hills District Unit da booh ko leh ya i ngooh ya u Blai wow pyntngen ya waroh kiwa emyatoh wa u Ma Sunday ha kam ini i por.