Ynne ka sngi ka 19 tarik ha ka sngi yaw Bakur, ki khon khynroo ka chnong Bakur, West Jaiñtia Hills wa ka Bakur Social Cultural Football Club ryngkat ki pulit ka Dawki Police Station da saam ki da ki Mask cha ki bru wa wan yaaw wan haat cha kani ka chnong.
Ini i saam Mask da pynman kam ka dak wow pynkynmoo ya ki bru ka chnong wa kiwa wan yaaw wow man kiwa syndong neibhah ka khlam da sdang biang ko wei i poor u khñiang kjut man iwa joor bha iwa da ktah ya kiwa boon ki bru ha ka ri wa ka jylla.
Kamtæ da kyntu wei da pynchlur ya waroh wow bood ryntih ya ki kyndon wa da booh da ka sorkar wow pynemkaam da ki Mask barabor hawa mih ki na ki yung yong ki.
Ki khon khynroo ka chnong wa ka Club da kyntu ki leh ya kiwa chong chnong wow chim tika da i mynsien wa kyllooid wei wow yakrehlanh ki wa ki bor ka sorkar khnang wow ye u yada na kani ka khlam.
