Le ngut ki bru da mynsoo ki heiwa uwi na ki da chah dung u na ryngkhi ha Lumdiengjri, Shillong ynne ka sngi iwa da jia heipor kamwa 4:00 waje i janmiet.
Uwa chah dung toh uwa tip kam u Chandan Paul (55 snem uwa sah ha Lower Mawprem) uwa chongdai dukan heiwa da chah dung u na ryngkhi wei da kit ya oo cha Civil Hospital, Shillong.
Kiwi won kiwa da mynsoo toh u Norjul Mullah wa u Abdul S Chaudhary kiwa da mynsoo hei bynta i khmat heiwa u Mullah da mynsoo i chkoor u.
Kiwa sakhi ya ini i jia da ong ki wa da em kamwa 8-10 ngut ki bru kiwa da wan syndet wei da sdang ki wow dat ya kini ki bru wei da yut ki wut mar ya dep ki wow dat wei ym tipmit ya kini kiwa da leh yeini neidaw wa da tymmoh ki yei dur ki.
U Mullah wa u Abdul toh kiwa em hajan ini i dukan heipor wa jia ini.
