U MLA ka Karimganj, Assam u Kamalakhya Dey Purkayastha da thoh u cha u Montri Kaam Pohyung ka ri, u Amit Shah hajrong i chah thombor ki Bengali ha Meghalaya.
U Purkayastha da thoh u wa kam ini da jia i boonsien iwa da booh hei maa yei mynsien ki Bengali.
Da ong u wa ini da jia i ya kiwa khian paaid khamtam kiwa klam Bengali iwa da poi cha palatpood hanla ki da man ki kiwa chong chnong ka jylla nadooh ki por yong rim wei da hap ki wow im hei tieñ neidaw wa chah maham wei chah lehbeiñ ki.
U Purkayastha da pynsñiaw u leh yei kyrchaan ya ki chi kurim kiwa da pynman yei chong kyllaiñmyngngor ha Shillong yow pyrchah yei chah thombor ki wym toh ki jaitbru ri-loom.
Da ong u ki wym toh ki jaitbru ri-loom da maad ki boon ki chah thombor ha ki heh paaid ka jylla, kamtæ da kyrpaad u ya u Amit Shah kamjooh ya u Montri Rangbah ka jylla u Conrad Sangma wow leh ki yeiwa emkaam.
