Ka sorkar jylla da mynjur ko ye e yumut neibynta wow pynkylla thymme (Amendment) hapoh ka Sixth Schedule, wei ini i pynkylla toh du neibynta i em ki MDC wa hawa chna ya ka Village Council.
U Montri Rangbah ka jylla, u Conrad Kongal Sangma da ong u wa hawa yatoh em katwon ngut ki MDC, ka sorkar jylla da e yumut wa ha Khasi Hills Autonomous District Council (KHADC) wa Garo Hills Autonomous District Council (GHADC) i em ki MDC ym palat ya 40 ngut, wei 4 ngut toh ki MDC wa dei thung katwa ya kiwi won daw jied da ki paidbah. Ha JHADC da e yumut wow em du 32 ngut ki MDC, heiwa 2 ngut ki MDC toh kiwa dei thung.
Hawa yatoh wa ka Village Council, u Conrad da ong u wa ka sorkar da e yumut wow em ya Village Council, wei ki Chairman toh man da ki Waheh Chnong, ki Sordar wa ki Nokma, katwa ya ki Secretary wa kiwi ki dkhot daw hap wow jied donhi. Da pyntip u wa ka sorkar da chim ko ya kani ka rai hadien wa da e yumut hadien wa yaklam wa kitu waroh kiwa embynta khamtam wa ki Autonomous District Council. Da ong u wa ka sorkar jylla daw phah noh ko ya ini i e yumut cha Delhi, wei daw yaklam leh ya kini ki phang ha i lai yong oo cha Delhi ha kini ki kajiak sngi.
Hawa kylli, u Montri Rangbah da pyntip u wa i thung ya ki MDC na kiwi won ki jaitbru ri-loom ki wym yoh wa mihkhmat (Unrepresented Tribe) ym em de, wei ya ini ka sorkar da dep ko leh wow yaklam wa ka Ministry of Home Affairs yong ka sorkar India.
