Ki ar ngut ki Montri Rangbah yong ka jylla Meghalaya wa Assam, u Himanta Biswa Sarma wa u Conrad Kongal Sangma daw yachem biang ki mynstep ka 29 tarik ha Guwahati wow yaklam biang sa kamwa 2% i pynbait pood wa dang sah ha ki 6 tylli ki thaw wa ya kajia napyrdi ki 12 tylli ki thaw khappood.
Ya ini da pyntip da u Montri Rangbah ka Meghalaya, hadien wa da wai ka yalang yong ka dhab ki Montri (Cabinet) ynne ka sngi. Ini i yachem yong ki ar ngut ki Montri Rangbah man ko hachwa wa chah khut biang ha u Montri Kaam Pohyung ka ri India, u Amit Shah ha ki kajiak sngi wow wan.
U Conrad Sangma da pynsñiaw u yei kyrmen wa hadien i yachem kawa mynstep ka sngi, daw ye leh wow pynkut noh yei yaklam pynbait pood neibynta ki 6 tylli ki thaw ha ka bynta wa nyngkong wa da rai wow pynbait chwa ya ka Tarabari, Gizang Reserve Forest, Hahim, Boklapara, Pilangkata Khanapara wa ka Ratacherra.
