Ka KSU Central Executive Council lyngba ka Education Cell ha ka 28 tarik uni u bnai da lai ko wow e khublei kyrpang wei pynkup burom ya ka Prof. Badaplin War hadien wa da yoh ya ka khusnaam Padma Shree na ka sorkar pyrdi kawa dang dep pynbna ini wa dep.
U Raymond Kharjana, Chairman ka Education Cell KSU seiñbei hawa e yei klam da ong u wa ka seiñ waka jaitbru hi waroh kawi ka sñiaw sarong ko ya ini i yoh khusnaam ka Prof. B. War neibhah i thooh bniah wa i tih yillu wei wow pynpoor ya ka ktien khasi ha ki bynta waphær waphær da man ko kam kawi na ki laad ki luti wow pynpoi cha ka thong wow pynpsiah ya ka ktien Khasi hapoh ka Eight Schedule ka riti synchaar yong ka sorkar India.
Ka Prof. Badaplin da pynsñiaw ko yei sñiawngooh wa khroo ya ka KSU kawa da wan chakhmat wow kitbok wei da ong ko leh wa kani ka sngi daw e mynsien chooh chooh ya ka wow nang kreh borbah chooh chooh wow pynpoor ya ka ktien Khasi ha kiwa boon ki liang wei da kyntu ko ya kiwa yahkhmat ka KSU wow e yei kyrchaan ya ka Khasi Author Society yow ye u pynmankaam yeiwa angnood ka jaitbru iwa da slem.
Najrong u Raymond Kharjana da ya emlang leh u Reuben Najiar, Assistant Education Secretary KSU seiñbei, u Pynshai Dkhar President KSU NEHU Unit, ki dkhot na Upper Shillong Circle wa kiwi kiwi.
Yeini i lai pynkup burom da leh ha yung sah ka Prof. Badaplin War.
