Ka HNLC da chim ko yei kitkhlieh hajrong i tympdung Bomb IED ha Kyndailad hei janmiet ka 30 tarik deiwa ong wa da tympdung khnang wym em kiwon kiwon ki paidbah kiwa yap.
Ka seiñ da kam ko leh wa da sihbhah wa da em ki kattu katni ngut ki CRPF kiwa da oor da pat wa uwi u bru paidbah wa da mynsoo wei kiwa mynsoo ye ki wow nang ku katkam wa yoh khubor tikna ka seiñ.
Da ong wa i thmu wow tympdung toh neidaw wa pynyoo bor ki kattu katni tylli ki dukan baar jylla kiwa da kyntait wow su ya ka dan yong ka HNLC. Wei ini da man ko leh i maham cha waroh ki tre dukan baar jylla wa ym toh u lai lait ya ki hukum yong ka seiñ lym kamtæ daw maad ki yei jooh.
Da ong leh wa kamwa man katni ka Khyndailad da man ko kam ka Colony ki Hindu wei ym man de wa chngaaiñ wow lai wow yieñ ki paradoh parasnam heipor miet.
Kamtæ ha ki thaw wa ka sorkar ym mon næ ym ye ko wow e iwon iwon i yada ya ki paradoh parasnam yong i, ka HNLC ka em ko ka yong ka hi ka aiñ wa i hok wow yada nei chah thomgbor ka sorkar næ ki baar jylla.
Chooh chooh da ong wa ka HNLC u pteiñ ko ya ki kaam pyntieñ yong ka na ki por cha ki por wei i bakla yong ka sorkar MDA toh i siat yap ya uwa e ktien (Bah Che) wei ini da pynchrai ko yaka HNLC.
“U bru da yap tangwa hap wow su kylliang yaka snam da kitu kiwa embynta ki wym lait na kti ka HNLC lada man ki Montri lane ki heh pulit, ka yaleh katni toh bait hapyrdi para wa em bor wei man i kiwa da khreh wow ekti yei mynsien neibynta i daw bah ka jaitbru,” da ong u Saiñkupar Nongtraw, u GS wa Publicity Secretary ka HNLC.
