Hadien wa le sngi neh kiwa dang yoh COVID-19 ha Meghalaya hapoh 300 ngut, ynne da hiar hapoh 200 ngut wei kiwa chait leh da boon ki ya kiwa dang yoh la soo sngi tangwa dang em biang kiwa da yap la 15 sngi khlem sangeh.
Kiwa dang yoh ynne ka 3 tarik da em ki 189 ngut, kiwa chait 256 ngut wa 3 ngut kiwa yap ha East Khasi Hills.
Kiwa dang yoh kiwa boon dooh toh ha East Khasi Hills (70) wa ha West Garo Hills (53) kamjooh kiwa chait leh kiwa boon dooh toh ha kini ki ar District kiwa ha East Khasi Hills (155) wa ha West Garo Hills (58).
I rukom em kiwa dang chah ktah ha ki District man i kamni:
East Khasi Hills (861), West Garo Hills (475), Ri-Bhoi (159), South West Garo Hills (91), West Jaiñtia Hills (87), South West Khasi Hills (66), Eastern West Khasi Hills (63), North Garo Hills (52), South Garo Hills (45), West Khasi Hills (37), East Garo Hills (37) wa ha East Jaiñtia Hills (32).
Waroh kiwa da chait da em ki 96.14% kiwa em 88,269 ngut, kiwa dang chah ktah 2.18% kiwa em 2005 ngut, kiwa yap 1.67% kiwa em 1536 ngut, deilang dapoi 91,810 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah, kiwa thiah Hospital wa kiwi kiwi man ki kamni ha wah:
