Ka Jaiñtia Students’ Union (JSU) War Jaiñtia Circle hapoh i yahkhmat u President u Eddy Kery Pohtam da lai ko cha u Executive Engineer ka Jowai South Division PWD (Roads) wow dawa chna pynmiat noh ya ka yingkieñ ha ka Wah Lakroh kawa em ha sarok Muktapur-Borkhat heiwa kani ka yingkieñ da piah bha ko.
Ka seiñ da phylla ko wa kani ka yingkieñ khyndawbilat wa chna wow neh hadooh 100 snem tangwa da sdang piah ko wei hanla ini i piah da man i iwa slem tangwa hadooh ynne ympu em u chna ya ka.
Ka JSU da ong ko wa kani ka yingkieñ man ko u thied-snaam ki paidbah ka thaaiñ War Jaiñtia wei kawa pynyabi ya ka West Jaiñtia Hills District wa ka East Jaiñtia Hills District wei khamtam ki warep kiwa emkaam wow lai cha chiliang ka Wah Lakroh.
Neiliang ka seiñ da yachem ko leh ya u AEE Border Road sub-Division heiwa da dawa wow chna noh ya ka yingkieñ dieñ ha ka Wah Amalokodo kawa em hajan ka chnong Muktapur kawa man ka bynta ka sarok Muktapur-Borkhat neibhah katni ki dieñ ha kani ka yongkieñ da sdang py’ut ki.
