Ynne ka sngi ka District NCD Cell, ka yung krehkaam u District Medical & Health Officer, NPCDCS East Khasi Hills chirup wa ka State Cancer Society wa ka Pomlum PHC da lehwarom ki ya ka World Cancer Day ha Pomlum PHC heiwa u Dr. S S Nongbri, Additional DHS cum State Nodal Officer (NPCDCS & HWC) Meghalaya da man u kam u kongsan.
Neiliang u Dr. Nongbri da ong u wa ka World Cancer Day da pynman ya ka kam chibynta wow pynche paidbah hajrong ka kjut Cancer wei kammon wow yada wei wow sumaar smat ya ka.
Da ong u wa ka Cancer toh ka kjut kawa 5 na ki kjut wa wanrah yei yap hapoh ka jylla Meghalaya wei neidaw wa boon kiwa yoh ya kani ka kjut Cancer, da ban joor u ya ki paidbah wow pynkylla ki yei rukom im yong ki.
Ha kani ka sngi neiliang ka Dr. Z Tariang, Dental Surgeon Pomlum PHC da klam ko hajrong ka phang “Oral Cancer” katwa Dr. A. Mawlong, In-charge Oncology Department, Civil Hospital, Shillong da klam hajrong ka phang “Other forms of Cancer”.
Da pynyoo leh ya i lehke wa tbian hajrong ka World Cancer Day 2022 “Close the Care Gap” da kiwa lai puræ ka College of Nursing, NEIGRIHMS, Shillong.
