Ka jylla Meghalaya da yoh wa le namo ka Third Prize hei pynyoo rong ya ka jylla lyngba ka rynsan Tableau hajrong i ka phang ‘Meghalaya’s 50 years of Statehood and its tribute to women-led cooperative societies & SHGs’ na ki 12 tylli ki jylla/UT kiwa da chimbynta ha ka Republic Day Parade ha New Delhi haka 26 tarik u Duyatra, 2022.
Yeini da pynbna da ka Ministry of Defence, ka sorkar India ynne ka sngi Thohdieñ. Ka Uttar Pradesh da yoh ko yei naam Best State Tableau ka Republic Day Parade 2022 kawa da leh hajrong ka phang ‘One District One Product & Kashi Vishwanath Dham’. Wa ar da yoh ka Karnataka ya ka Tableau yong ki kawa da chna hajrong ka phang ‘Cradle of Traditional Handicrafts’. Ka Ministry of Education waka Ministry of Civil Aviation da man ka kiwa jop lang na ki chnat sorkar katwa ka Department of Posts da yoh nyngkong ko ha ka Online Voting.
Ha uni u snem da man leh ka sien wa nyngkong wa da chah ya ki paidbah wow Vote ki nadooh ki Best Marching Contingents wa Best Tableaux lyngba ka MyGov Platform. Ka Online Poll da pynman nadooh ka 25 hadooh 31 tarik u Duyatra, 2022. Ka Maharashtra da yoh ko yei naam Best Tableau na ki State/UT hapoh ka Popular Choice Category. Ka Tableau ka Maharashtra da chna hajrong ka phang ‘Biodiversity and State Bio-symbols of Maharashtra’.
Ka Tableau ka Meghalaya toh kawa da leh hapoh ka Directorate of Information and Public Relations, ka sorkar Meghalaya wei da pynwan dur da u Benjamin Syiem waka State of Mind Production, Shillong.
