Ka Ummulong da jop ko ynne ha ka lympung yalehke Under 15 Boys T20 Tournament 2022 wa da pynlai da ka All Jaiñtia Cricket Association (AJCA) ha madan Jrisaleiñ, Jowai.
Ha ka yakhun kawa man leh sa sngi wa ka ar ka Tournament ynne ka sngi da pynman hapyrdi ka HUCC waka Ummulong Sports Club heipor 11:00 waje i step, heiwa Ummulong da ye ko u pynrem ya ka HUCC Sports Club da 35 runs
Ya ka kylla khlem da jop da ka HUCC wei da jied ko wow kawang bol nyngkong.
Ka Ummulong hawa Bat nyngkong da ye ko u yoh 69 Run na ki 14 Over wei da dooh noh ko waroh ki Wickets, ka HUCC hawa kdong won ya ka thong da ye ko u kamai du 35 Run na ki 14 Over wei da haap lut ki Wicket waroh.
Ya i naam Man of the Match da yoh da u Moni Bamon yong ka Ummulong Sports Club heiwa da yoh u 3 Wicket na ki 4 Over.
