Ki ynru ngut ki NCC kiwa mihkhmat ya ka Meghalaya ha ka Republic Day Parade 2022 ha Rajpath, New Delhi da pynkup burom ya ki da u Lat ka Meghalaya, u Satya Pal Malik ynne ka sngi ha ka yalang wa pynman ha Raj Bhavan, Shillong.
U Lat da e u da ki Certificates of Appreciation waka song poisa. Hawa e yei klam, u Lat da e khublei u ya kini ki dkhot ka NCC deiwa klam yei emkaam ka Republic Day Camp kamjooh i kaam ka NCC wow tei ya ka ri. Da yaroh u leh ya ki bei ki pa wa kiwa sikai kini ki dkhot ka NCC kiwa da em ha kani ka sngi.
Waroh da em 5 ngut ki khynnah chynrang wa kawi ka khynnah kynthai kiwa da mihkhmat na Shillong Gp ya ka thaaiñ North East Region Directorate ha New Delhi. Ka Mary Milling kawa lai puræ ha St Mary’s College da man ko kawa nyngkong ka NCC kawa na jylla Arunachal Pradesh wa chimbynta ha kani ka Republic Day Camp. Ya ka da pynkupburom da i naam Director General NCC Commendation Card.
Ha kani ka sngi da emlang leh u ADG NCC NER Maj. General Kalita, YSM wa Gp Cdr Shillong Group Brig Jai Singh Yadav, VSM.
