Uwa yahkhmat yong ka Indian Trinamol Congress, u Dr. Mukul Sangma da pyntip u wa da em u ki sabut kiwa biang hajrong i em i tih pyrchah aiñ ya u mooyong, wei daw pait bniah lada ka sorkar daw chimkhia næ ym em hajrong ini wow pait wa kam kini ki kaam pyrchah aiñ ym jia de ki.
Chooh chooh u Dr. Mukul Sangma da ong u wa najrong ini i kaam pyrchah aiñ, dang em boon kiwi de ki kaam pyrchah aiñ wow e poisa khamtam cha ki bru kiwa kam toh ki seiñ kieñ tiar yaleh kiwa thymme wei hadien wa da yoh ki wow dawa poisa, da yoh ki wow thied ya ki tiar ki tar yow pyntieñ wei wow man kam ki bru wa leh ya ki kaam pyrchah ya ka imlang sahlang.
U Dr. Mukul da pyntip u wa i klam yong oo wa ka sorkar, da pynsñiaw yei em wa yoh poisa lyngba ki kaam pyrchah aiñ, wei daw pynku ya ki kaam thombor da kitu kiwa kwah wow yaleh pyrchah ya ka ri, wei waroh toh u sñiawthooh yei sih wa mih na kam ini i leh buit tooh wa ki baam-tooh kiwa da mih kiwa daw ktah ya ka jylla.
Da ong u leh wa lada yooluti wow em ka takit, i jubab wow yoh u man bait wa ym em kam kini ki kaam wot lada da tip tikna wa kam kini ki kaam pyrchah aiñ jia ki wei em ki sabut kiwa biang wow pynyoo ya ini wa pynbaad u.
