U Montri ki Kaam Pohyung ha ka jylla, u Lahkmen Rymbui da ong u wa ka sorkar dang chim ko sa kattu katni por wow thung ya u Director General of Police (DGP) ka jylla, heiwa da pyntip u wa ka UPSC da phah ko 3 tylli ki pyrtuid neibynta wow chimti kam u khliehdooh ki pulit hapoh Meghalaya.
Da ong u wa sorkar hadooh katni ympu chim ko ya i rai tangwa dang bichaar bniah bha ko wow jied ya uni u sahep, da ong u leh wa ka sorkar kwah ko wow pait kiyi wa rap chkæh napyrdi ki 3 ngut wa ka UPSC da phah ko wei daw jied katkam wa emkaam ha ka jylla.
Ka Union Public Service Commission (UPSC) da phah ko ya 3 tylli ki pyrtuid cha ka sorkar jylla wow jied neibynta wow chimkti kam u Director General of Police (DGP), wa kynthup ya i pyrtuid u Special Director General of Police (DGP) ka Assam, u Lajja Ram Bishnoi, IPS (1991 Batch), u Special DGP of Assam Police, u Mukesh Agarwal, IPS (1989 Batch) wa u KV Singh Deo, IPS (1989 Batch).
