I dooh nong wa khroo ya ka United Democratic Party yong ka Nongpoh Constituency heiwa ynne ka sngi neiliang kiwa yahkhmat wa heh wa ki dkhot kiwa em hadooh kamwa 120 ngut da pynbna paidbah ki wow mih noh ki naka UDP.
Napyrdi kini kiwa da mih noh kynthup ki ya u Lawrence Nongrum, General Secretary yong ka Ri-Bhoi District wa kamjooh yong ka Nongpoh Constituency, u Rayonald Kharkamni, Vice President UDP Ri-Bhoi, u Sumarlang Swer, President UDP Youth Wing Ri-Bhoi wa u Phis Narlong, Joint Secretary UDP Youth Wing Ri-Bhoi wa palat 120 arngut kiwa kitkaam yong ka Nongpoh Circle, Primary Unit wa ki Sub-Circle.
Ha kani ka sngi neiliang yong kini kiwa yahkhmat da pynsñiaw ki wa ym em daw iyi wa ka UDP tangwa da kwah ki wow wanrah yei kylla neibhah kat kini ki snem wa ki da krehlang waka UDP ym ye wow pynmih uwi leh u MLA wei na ini i daw kwah ki wow mih noh naka Party.
Chooh chooh neiliang kini kiwa yahkhmat da pynbna ki leh wa ha kani ka Election yong u snem 2023 neiliang yong ki daw e ki yei kyrchaan wa pura ya ka Macdalyne Mawlong kawa man ka MDC yong ka Umsning Constituency hanla ym pu pynbna na kawon ka Party daw yakhun.
