Jowai: Ka Women’s Welfare Organisation Seiñraij Jowai ynne ka sngi da pynman ko ya ka pynkhooid khnap thangbru wa em ha Khimmusniang, Jowai kam wa jooh leh man u snem.
Kamwa 20 ngut ki khynroo khyllood, ki man bei man pa deilang wa ki waheh ka Seiñraij da sait, da lum, da ah ya ki phlang u ranem wei wow puchara ki ya ki soodong kani ka khnap. Da pynyieñ leh ya ki tin pyllang jhep wa dang e thymme u DC.
Kani ka khnap thang bru toh kawa nyngkong dooh wa chna ha ri-loom Jaiñtia wei hei ktien pharæng da khut ya ka kam ka “Eco Friendly Crematorium” wei da wai ya ka ha u snem 2002.
Nadooh wa em kani ka khnap wa da pynwandur da u tynde u waheh Kambel Shullai heiwa da pynduna yei lut ki dien heipor wa pyndep niam thangbru kamjooh leh pynduna yei por wa lut hawa thang iwa yarap leh u pynneh ya ki dieñ ki khloo.
Katni kani ka khnap da chna ya ka ha kiwa boon ki chnong ka ri-loom Khasi wa Jaiñtia wei da em leh ka wi kawa dang chna ha ri-loom Garo.
Discussion about this post