Ka North East Venture Fund (NEVF), kawa man ka chnat yarap ya kiwa seiñ khih kawa krehkaam hapoh ka thaaiñ North East wei kawa pait da ka NEDFi, Ministry of DoNER waka SIDBI da pynbna ki yei sdang ka Start-Up Investment Fest 2022. I thong kani ka tamasa toh wow yarap ya kitu kiwa sdang kreh thymme, kiwa dang sdang nyngkong lane kiwa pynmih ya ki mar ki wym pu em wa jooh pynmih kiwa pynemkaam leh ya ka stat ka juk wa katni wei kiwa ye wow heh u san.
Kani ka tamasa toh neibynta waroh kiwa em ha kiwon kiwon ki jait khih kiwa em ya ki buit ki budia kiwa ye u pynkylla ya i rukom im, i rukom krehkaam waka khayi pateiñ.
I Registration neibynta ini da sdang nadooh ka 15-02-2022 wei daw kut ha ka 15-03-2022 heiwa hadien ini daw pynbna ya kiwa chah jied kiwa daw yohlaad wow pyrchang u pynyoo kammon u krehkaam i buit yong ki hakhmat ki bru kiwa bien wow kyrchaan poisa ya ki.
Yow thap pyrtuid namo wow Register ye wow lai ha https://registration.nedfiventure.com.
Kani man ko leh kyrpang ya ki jylla ka thaaiñ North East deiwa pynjoor bha yei pynbna paidbah ha Arunachal Pradesh, Nagaland, Meghalaya, Mizoram wa Tripura yow rap boon kiwa chimbynta na kini ki jylla. Wei i thmu hi leh toh wow pynheh pynsan yei khih i khan kamtæ da pynchlur wow chimbynta.
Lyngba kani ka NEVF kiwa chah jied daw yoh ki ym duna ya T.25 lak yow sdang khih namo ka bai seiñ khih.
