Ka Financial Literacy Camp kawa man kam chibynta wow lehkmen ya ka Financial Literacy Week 2022 da pynman ha ka chnong Mookaswan, WJH ynnin ka sngi da ka Meghalaya Rural Bank yow pynsñiawthooh paidbah chaphang ki kaam poisa poilaiñ.
Ya ka yalang da pynlai da u Waheh Chnong, u Bloin Shylla wei da yoh leh yei klam na u Branch Manager yong ka Bank heiwa da batai u chaphang ka rukom krehkaam yong ki wa ki Scheme waphær waphær yong ka.
Ha kani ka yalang da emlang leh ka LDO wa Manager yong ka RBI ka Priyanka Mazumdar kawa da pynñiawthooh chaphang ka Digital Banking wa u Lead District Manager yong ka West Jaiñtia Hills District, u T. Vumzagin.
Ya ki kyntien pynwai da yoh na u Biangpor Shylla heiwa da saam leh ya ki muna skur cha ki khynnah skur yong ka chnong.
Ha kani ka jooh ka sngi da pynman leh ya kani ka jooh ka yalang kam chibynta hi ka Financial Literacy Week 2022 ha ka chnong Madur, West Jaiñtia Hills District. Ka phang ha uni u snem toh “Go Digital, Go Secure”.
Ha Madur da pynman da ka State Bank of India, Ummulong Branch Deiwa emlang u Waheh Chnong u S. Siangshai, kiwa krehkaam ka chnong deiwa emlang leh u T. Vumzagin, Lead District Manager yong ka West Jaintia Hills District wa u B. Shylla.
