Ka Meghalaya High Court ynne ka sngi dei mon yong ka hi (Suo Motu) da booh mukotduma ko pyrchah ya ka jylla Meghalaya hadien wa da boon bnai wa mih khubor wa em ki kaam tih mooyong pyrchah ya ka aiñ hapoh ka jylla.
Ini wadep da em ka FIR wa da ujor da ka Nokma ka Nengchigen heiyatoh wa i tih mooyong pyrchah ya ka aiñ ha ki bynta u pood ka West Khasi Hills District waka South Garo Hills District wei da em leh kiwa thoh khubor wa da lai cha ini i thaw yow pynsakhiat wa em hi ini i tih mooyong pyrchah ya ka aiñ.
Ha ka ujor da kam wa em i yatoh hapyrdi ki tre thaw wa ki pulit ha ki thaw wa dang em hapoh i thaw ka kur yong ka Nokma.
Ka High Court da ong ko wa toh iwa emkaam bha wow pait smat ya ini i bynta wei da phah ya ka Chief Secretary waka Director General of Police wow e ki ya ka bui (Report) hadien chi tayaw deiwa lai hiar leh cha ini i thaw yow kem ya kiwa emkti.
Chooh chooh da ban joor ka High Court wa ya ka bui toh u pynkhreh deiwa laitlooid khlem em kiwa pynthut khamtam na ki bor saiñhima neibhah lym kamtæ daw hap thung da ka Committee wa kyrpang yow chem yeiwa sakhiat.
Puræ leh: Ujor ka Nokma pyrchah ya kiwa tih mooyong tooh ha Shallang
