U Montri ka chnat Forest & Environment ka Meghalaya, u James P K Sangma da pynlait paidbah u ya ar tylli ki App- kitæ ka PBR App waka Forest Fire App neibynta ka jylla Meghalaya kam chibynta i lehkmen dap 50 snem ka jylla deiwa sdang leh wow pynemkaam ya ki tiar ki tar kiwa man katkam ka juk kawa katni deiwa ya krehkaam lang waka National Informatics Centre (NIC) deilang waka North East Space Application Centre (NESAC), Shillong.
Ka Peoples Biodiversity Register (PBR) App toh kawa da chna daka NIC wei da sdang ya ka neibynta wow pynku kyrdan, u pyn mahajon wei wow chim yukheiñ yeiwa em wa im hapoh ka rymaw ka jylla heiwa ya kani ka Mobile App toh kawa ye u pynemkaam ym du da ki sahep sorkar kamjooh leh ki paidbah yow yarap lang ya ka sorkar wow tip yeiwa em ha ki chnong ki thaw wa em ki deiwa ya krehlang wa ki Biodiversity Management Committee.
U Montri da pynlait u leh ya ka Forest Fire App kawa da chna da ka NESAC Shillong yow pynemkaam da ka Meghalaya Forest Department. Kani ka App toh kawa e yutip chaphang i iñ khloo iwa daw pyntip lang cha ka Forest Survey of India yow booh yukheiñ.
Kani ka App i thmu toh wow pynduna yei khia kaam wei wow yarap ya ki sahep wow chim rai kamjooh yow yarap ya kiwi kiwa emkti lang ha ini i kaam yow ye u pyntip smat lada em i sdang i diñ yow ye u wan tympleh smat.
