Ka Moodymmai da jop ko ynne ha ka yalehke wa ar yong ka lympung Open To All T20 Cricket Tournament 2022 wa da pynlai da ka All Jaiñtia Cricket Association ha Madan Jrisaleiñ, Jowai.
Ka Moodymmai da yachem ko waka Chutwakhu heipor 1:00 waje i sngi heiwa ka Moodymmai da jop ko da 65 Run.
Ya ka kylla khlem da jop da ka Chutwakhu wei da jied ko wow kawang bol nyngkong heiwa ka Moodymmai da lai ko wow kamai 189 Run na ki 20 Over deiwa dooh 9 Wicket. U Daowan Passah da yoh u 98 Run na 55 bol. Neiliang ka Chutwakhu u V. Pala wa u Emdor Sutnga da yoh ki mar 3 Wicket.
Hawa kdong won ya ka thong, ka Chutwakhu da ye ko u tied 124 Run na 17.1 Over deiwa dooh ko waroh ki Wicket. U D. Rangad da ye wow kamai 39 Run na 31 bol, katwa neiliang ka Moodymmai u Daowan Passah da yoh u 2 Wicket naki 4 Over.
Ya i naam Man of the Match da yoh da u Daowan Passah yong ka Moodymmai uwa da yoh 98 Run wa 2 Wicket.
