Chah e sikai heiwa kammon u pyndap ya ka U-DISE Form

Jowai: I pyndap ya ka U-DISE Form hei rukom watoh wabiang toh man ko kawi na ki bynta wa kyrpang yong ki bor watoh u pait u yoo ya ki thaw puræ næ ki skur. Kamtæ hajrong ka thong wow man i rukom pyndap ya ka U-DISE Form iwa biang, ka ophis krehkaam yong ka Sarva Shiksha Abhiyan wa em hapoh ka West Jaiñtia Hills ha kani ka 23 tarik u Naikhynde ha DC Office Conference Hall da pynman ko ya ka program e sikai kyrpang ya ki Block Resource Person, Cluster Resource Person, MIS wa ya ki DEO, kawa tip kam ka Students Data Collection In Sync with U-DISE.

U ma Bimmi L. Suwer, District Coordinator Programmer, SSA West Jaiñtia Hills ha kani ka training daman u kam uwi na ki bru chemphang wow e i klam i batai chaphang kani ka Students Data Collection In Sync with U-DISE.

Da khana u leh ha ki snem wa dalai ka Ministry of Human Resource Development yong ka Sorkar India neibynta wow yoh sabud næ booh jingkheiñ ya kiwon kiwon ki rukom chna næ pynmih laad yarap ya ki skur næ ki khynnah toh chim bait ki lyngba ka U-DISE neibhah kani toh man ko kawi ki Information System wa biang tam heiwa hadooh ki wa mihkhmat ha ki yung Dorbar chna aiñ ka Ri India hawa chim ki wow yaklam yeiwon yeiwon chaphang ki bynta yong i puræ puthi da kdar ki wow klam katkam ki Data wa em ha ka U-DISE.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha uni wan u snem neibynta wow pynjanai chooh chooh ya kani ka rukom kreh ka Ministry of Human Resource Development yong ka Sorkar India pynchat won ko leh wow pynmih sa kawi ka bynta wa yatoh kyrpang wa ki khynnah kawa tip kam ka Enrollment Data For Students Database Management Information System. Iwa mut katkam kani ka rukom ka sorkar u chim ko wow boodien kyrpang yow wi pa uwi, kawi pa kawi ka khynnah kiwa em ha ki skur, deiwa leh kamni u yarap ko hei wow tip chaphang ki khynnah wei ki bor pait bor pyllai yong ki skur ym ye de ki u chna palat ya ka Enrollment lada toh wa kwah ki u leh thok.

Ha ka bynta wakut yong kani ka training neiliang u ma T. Diengdoh, BMC SSA, Laskein Block chim u ka bynta wow booh ki kyntien sneiñ, kyntien kroo hapyrdi ki wa chimbynta deiwa ong wow man ki ki bru kiwa kwah u pynjanai yei tip katkam i yah yong i por wei kam ki bru kiwa kreh yei kaam neibynta ki skur wa em ha ki chnong ki thaw waphær waphær toh u pyrchang katwa ye u leh yei wa miat wabha tam khnang yow lait u mih iwon iwon i artatien næ i bakla heiyatoh wa kani ka U-DISE yong uni u snem 2016.