Hadien wa ka EJNC-Khliehriat Unit da yoh ko yei ujor na ki paidbah wa chong chnong ka Khliehriat West Dong Lum Siat Thong wa da sih u Transformer wei da dooh bordiñ ki nadooh ka sngi Bibar iwa da pynthut chiboon khamtam ya ki khynnah wa dang puræ puthi.
Kamtæ hapoh i yahkhmat u President, u Shanborlang Bamon wa u General Secretary, u Diamon Bareh da lai yachem ki wa u K. Iakai, SDO ka Khliehriat wow yaklam sani bha hajrong ini i kaam heiwa u SDO da pynsñiaw u wa da phah pyntip yeini lyngba ka Failure Report cha u Executive Engineer, MeECL ka Khliehriat Distribution Office wei katni dang yang ya ka chithi wow e da u Transformer wa thymme hapoh ka Dong Lum Siat Thong.
