Ka Meghalaya da rem ko ha ka Madhya Pradesh da chi Innings wa 301 Run ha ka sngi wa le ka Ranji Trophy, Elite Group A ha Rajkot ynne ka sngi.
Deiwa pteiñ da 16/0, deiwa emkaam sa 422 Run yow phah Bat biang ya ka MP, ka Meghalaya da haap lut ki Wicket ko deiwa kamai 137 Run ha ka Innings wa ar, iwa rap hoi ya iwa yoh ki ha ka Innings wa nyngkong itæ 61/10.
U Wallam Lyngdoh Kynshi da haap u haka bol wa soo deiwa khlem ye wow pynboon ya ka 12 Run wa kamai u ynnin, katwa u Kishan Lyngdoh da yoh u sa ar Run chwa wow haap u deiwa yoh 6 Run.
Kiwa yalehke Guest Professional da rap lehbha ki hawa nujor waka Innings wa nyngkong da ka 38 Run na u Punit Bisht.
Kiwa Bat cha tdong da neh ki 20 Over hadien wa baam ja sngi heiwa u Aryan Bora da yoh u 18 Run katwa u Akash Kumar Chaudhary da yoh u kawi ka 6 Run tangwa da haap lut ki waroh ha ka 56.2 Over.
Ka Meghalaya u yachem ko kattu waka Gujarat ha ka 3 tarik.
