Ka dukan wada chah khang ynnin ka sngi neidaw wa dai ya ki marbaam ki khynnah kiwa da kut por kawa em ha Ladrymbai Dongwah, kawa da lai khang da ka seiñ HANM Women’s Wing Central Body deilang waka FKJGP Khliehriat Circle heiwa da emlang leh ki bru ka chnat Food Safety, East Jaiñtia Hills District.
Ynne ka sngi neiliang ki ar seiñ da yoh yutip ki wa ya ini i dukan wa pynlai da u baar jylla da wai biang i wei da pteiñ u wow dai ya kini ki mar wada kut por deiwa tympleh won yei tarik wa em ha ki yusong da u khulom rong yong (Black Marker).
Uni u tre dukan da pyntip u wa u waheh chnong da phah u wow wai ya ini i dukan heiwa ki seiñ da ong ki wa ym em de pyrkhat ya ki khynnah wa baam ya kini ki baam ha waroh kawi ka District neibhah wa ka Ladrymbai da tip yaka kam kawi na ki yaw dai Wholesale ya ki mar wa boon jait.
Kamtæ ki ar seiñ da ong ki wa ym chong klikti ki hajrong ini i kaam pyrchah aiñ wei toh i daw hi wa i kam ki tre chnong ym bna i wei neiliang ka chnat sorkar leh toh u chimkhia ko wow lai pait neipor cheipor ya kam kini ki jait kaam yow lait na iwon iwon i sñiawsih yow ye leh u kdoh u khoom ya kam kini ki jait kaam wa ktah ya ki paidbah.
Puræ leh: Khang ka FKJGP yei dukan wa dai da ki marbaam wa da kut por ha Ladrymbai
