Ka yakob GeoQuiz 2022 NE Level Competition neibynta ki khynnah wa dang lai puræ Higher Secondary da pynman ya ka da ka Krishnanunni Memorial Charitable Trust waka Department of Geology, North-Eastern Hill University, Shillong ynne ka sngi nadooh 11 waje i step lyngba ka Internet.
Ya kani da pynman leh kam chibynta ka National Science Day yow pynsñiawthooh ya ki bru yei emkaam ka Science ha iwa im i man-ka-sngi wei kamjooh yow pyntip chaphang i long i man ki loom ki wah ka thaaiñ North East India cha ki khynroo ka ri.
Ya kani ka yakob da wai da i klam na u Prof. Devesh Walia, u khlieh ka chnat Geology, North-Eastern Hill University, Shillong..
Ya ka kakob da pynlai da u Dr. Shikhar Kumar wa u Prof. Devesh Walia deiwa chimbynta ki 70 ngut tam na kylleiñ ka thaaiñ North East.
Ha kani ka yakob da yoh nyngkong da u Prakash Pradhan uwa dang puræ Class XII ha Cotton University, Guwahati. Hei wa ar da yoh u Brian Lim Sun uwa dang puræ Class XI ha St. Anthony’s Higher Secondary School, Shillong katwa yei wa le da yoh u Nishant Sharma uwa puræ Class XII ha Kendriya Vidyalaya, NEHU, Shillong.
Kiwa yoh nyngkong, wa ar, wa leh da yoh ki T.15,000, T. 10,000 wa T. 5,000 katkam wa lai sarin.
U Keneth Meriker Nongtraw (Class XI, Army Public School, Shillong) wa u Md. Abul Kader Laskar (Class XI, Holy Cross Higher Secondary School, Silchar) da yoh ki yei wa soo wa iwa san wei da yoh ki mar T. 1000 samen. Kiwi won kiwa chimbynta da yoh ki da ki Certificate.
