Ka Chi-Jingmut Mynso B chirup waka Nehru Yuva Kendra Sangathan (NYKS) Jowai da pynman ki ya ka Career Guidance & Career Counselling neibynta ki khon khynroo yong ka chnong Mynso waroh kawi.
Ya kani ka yalang da pynlai da u Shembha Lamare uwa man u Ex-National Youth Volunteer ka NYKS, da yoh leh ya i klam pdiang burom na ka dkhot ka Chi-Jingmut Society ka Menti Myrchiang, da emlang ha kani ka sngi u Secretary Chnong, u Arnes Syntem wa u Secretary Dong Iaw Pyngkat, u Victor Noble Syntem.
Neilliang ka NYKS da phah ko ya ka Nangroi Dkhar u emlang ha kani ka sngi kawa man leh kam ka National Youth Volunteer na Laskein Block.
Ki bru chemphang ha kani ka sngi kynthup ki ya u P/P DL Rymbai wa u muktiar Emnusib Mynso, heiwa da batai ki hajrong ki phang wa yatoh waka mynried ki khynroo, wa kammon u minot ha i puræ puthi wow man kiwa chlur ha i khih i kreh.
Neiliang ka Chi-Jingmut Society da e khublei ko ya ka NYKS Jowai wa da yarap ko wow pynman ya kani ka yalang iwa man i kyrkhu kyrdoh ya ka chnong.
