Ka Ministry of Road Transport and Highways da pyntip ko wa da em ka Scheme wa thymme wow yarap poisa ya kiwa mynsoo ha i chah tyrrah kari heiwa kiwa tyrrah yut ki na i thaw jia (Hit and Run) wei ya ini i dor wa thymme da pynkrehkaam nadooh ka 25-02-22 hapoh ka Compensation to Victims of Hit and Run Motor Accidents Scheme, 2022.
Ini mut wa ka poisa yarap da pynku naka T. 12,500 cha T. 50,000 lada mynsoo joor wei T. 25,000 cha T. 2,00,000 lada yap.
I yaleh wow yoh ya kani ka poisa wei wow su ya ka toh iwa hap pyndep hapoh i por wa da booh cha kiwa chah ktah. Kani ka Scheme u mih noh ko leh heithaw ka Solatium Scheme, 1989 nadooh 01-04-22.
Ka Ministry da pynmih ko leh ya ki kyndon krehkaam kani ka Scheme ha ka on 25-02-2022 heiyatoh wa i pynkrehkaam ya ka nadooh i rukom su wa kiwi de heiwa ka poisa toh kawa napoh ka Motor Vehicles Accident Fund. Kani ka poisa leh toh kawa e yarap wow sumaar ya kiwa chah tyrrah wa kiwi de katkam wa pynbna da ka sorkar pyrdi na ki por cha ki por.
