Ka sorkar Meghalaya ynnin ka sngi da soi soskular Memorandum of Understanding ko waka World Food Programme, India ha ka yalang wa da pynman ha yung krehkaam ka WFP ha New Delhi. Ya ini i yasoi soskular da sakhi da u Montri ka chnat Food, Civil Supplies and Consumer Affairs, u James PK Sangma deilang wa ki heh ka World Food Programme, India.
Ka United Nations World Food Programme (WFP) wa em ha India u ya krehlang ko waka Department of Food and Civil Supplies, ka sorkar Meghalaya yow pynbha pynmiat yei rukom saam rachon namo ka Targeted Public Distribution System (TDPS) hapoh ka jylla.
Da ini, ka Meghalaya da man ko ka jylla wa nyngkong dooh na ka thaaiñ Northeast kawa da leh ya ini waka WFP.
Ini mut wa daw pynemkaam da ki Computer hawa pynkrehkaam ya ka TPDS wei wow pynemkaam leh ya ki kor Point-of-Sale yow pyntikna ya ki bru wa toh hok u yoh yei myntoi; i rukom pynpoi ya ki mar, i pynemkaam ya ki thaw booh mar wa ki Mobile App yow chim yukheiñ.
Kani ka sorkular leh man ko kam chibynta ka soskular wa da dep sep soi chwa ynnin u snem.
Ka WFP daw yarap ko leh wow pait hadooh katwon krehkaam ki Scheme ka sorkar pyrdi yow chna baam wei wow yarap pynsangeh yei pynlai tooh ya ki mar rachon heipor wa kit kamjooh hapoh ki dukan rachon wa kiwi kiwi de.
