U Chief Electoral Officer ka Manipur da pyntip u wa daw hap pynman biang yei thap Vote namo ka Re-Poll ha ki 12 tylli ki Polling Station hadien wa da dep wow thap Vote ha ka 28-02-22 wei ya ka thap Vote biang ha kini ki 12 tylli ki thaw daw pynman ha ka 05-03-22 nadooh 7:00 waje i step hadooh 4:00 waje i janmiet.
Yeini da hap wow leh hadien wa ki Returning Officer da pyntip ki wa da em ki bru wa pynsih ya ki kor EVM heipor wa thap Vote wei em won iwa da jia hadien wa da dep thap Vote, wei ini da ong u CEO da ktah ko yei hok ki bru wow thap Vote kiwa da hap biang wow mih yow thap Vote sa chisien.
Kamtæ da pynclur u ya ki paidbah wow wan ki chakhmat yow pynemkaam yei hok yong ki ha katai ka sngi thap Vote wa thymme.
Kini ki Polling Station toh ka Sarouthel, New Kelthelmanbi, Songsang, Malte, Tingsuong, Majuron Kuki, N. Chingphei, Khoirentak, Moisang, Leinom, Teikot wa Maukot.
Kam wow pynkynmoo wa hadien wa dep ka thap Vote, ki seiñ saiñhima da dawa ki wow thap Vote biang ha ki 30 tylli ki Polling Station.
